اسلام آباد: (دنیا نیوز) تحریک انصاف کے امیدواروں کی آزاد حیثیت سے متعلق ہائیکورٹ کے فیصلے پر الیکشن کمیشن نے پی ٹی آئی امیدوار سلمان اکرم راجہ کی درخواست سماعت کیلئے مقرر کر دی۔
الیکشن کمیشن آف پاکستان جمعۃ المبارک کے روز پی ٹی آئی کے حمایت یافتہ آزاد امیدواروں کے مستقبل بارے کیس کی سماعت کرے گا۔
واضح رہے کہ لاہورہائیکورٹ نے الیکشن کمیشن کو پی ٹی آئی کے حمایت یافتہ آزاد امیدواروں سے متعلق درخواست سننے کی ہدایت کی تھی۔
