اسلام آباد: (دنیا نیوز) محکمہ موسمیات کے مطابق اتوار کے روز ملک کے بیشتر میدانی علاقوں میں موسم سرد اور خشک رہنے کا امکان ہے۔
رپورٹ کے مطابق بالائی خیبر پختو نخوا، کشمیر اور ملحقہ پہاڑی علاقوں میں صبح کے اوقات میں چند مقامات پر تیز ہواؤں کے ساتھ ہلکی بارش اور پہاڑوں پر ہلکی برفباری ہو سکتی ہے۔
محکمہ موسمیات کے مطابق شمال مشرقی پنجاب میں صبح کے اوقات میں ہلکی سے درمیانی دھند کی توقع ہے۔
رپورٹ کے مطابق آج ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا، کشمیر، بالائی خیبرپختونخوا، مری اور گلیات میں بارش اور برفباری ہوئی۔
سب سے زیادہ بارش کشمیر کے علاقہ گڑھی دوپٹہ میں 15 ملی میٹر، مظفر آباد سٹی 06، ایئرپورٹ 05، راولاکوٹ، کوٹلی 04، پنجاب کے علاقہ جہلم ، مری میں 12، خیبر پختونخوا کے علاقہ مالم جبہ، کاکول میں 04 ملی میٹر ریکارڈ کی گئی، مری میں4 انچ برفباری ریکارڈ کی گئی۔
آج کم سے کم درجہ حرارت لہہ منفی 10، قلات منفی 08، گوپس منفی 07 ، کالام منفی 06، کوئٹہ منفی 05، بگروٹ ،استور منفی 04 ، ہنزہ، دیر،مری، پارا چنار اور سکردو میں منفی 03 ڈگری سینٹی گریڈ ریکارڈ کیا گیا۔
