گوجرانوالہ: (دنیا نیوز) گوجرانوالہ میں مضرصحت دہی بھلے کھانے سے بچے سمیت دو افراد جاں بحق ہوگئے۔
واقعہ کی اطلاع پر پولیس اور امدادی ٹیمیں فوری طور پر موقع پر پہنچ گئیں، پولیس کے مطابق متاثرہ افراد کو فوری طور پر ہسپتال منتقل کردیا گیا، جاں بحق ہونے والوں میں 20 سالہ میرب اور 7 سالہ داؤد شامل ہیں۔
پولیس حکام نے بتایا کہ 10 سالہ ابراہیم اور 18 سالہ احمد کو تشویشناک حالت میں ڈی ایچ کیو منتقل کر دیا گیا، واقعہ کی تحقیقات بھی شروع کر دی گئی۔
