گوجرانوالہ: (دنیا نیوز) پولیس نے گوجرانوالہ میں لیڈی کانسٹیبل سے زیادتی اور ویڈیو بنا کر بلیک میل کرنے والے محرر کو گرفتار کر لیا۔
لیڈی کانسٹیبل کے چچا کی شکایت پر سٹی پولیس افسر محمد ایاز سلیم نے فوری نوٹس لیا، لیڈی کانسٹیبل کے چچا کی مدعیت میں زیادتی کا مقدمہ درج کرکے لیڈی کانسٹیبل سے زیادتی کرنے والے تھانہ دھلے کے محرر کو گرفتار کر لیا گیا۔
ملزم کھانا کھلانے کے بہانے خاتون اہلکارکو ہوٹل لے کر گیا، ملزم محرر خاتون اہلکار کی ویڈیو بناکر اسے بلیک میل بھی کر رہا تھا، لیڈی پولیس اہلکار کی شکایت پر محرر کو گرفتار کر کے تحقیقات شروع کر دی گئی ہیں۔
سی پی او گوجرانوالہ نے کہا کہ مجرمانہ سرگرمیوں میں ملوث کالی بھیڑوں سے کسی قسم کی رعایت نہیں برتی جائے گی، ملزم محرر آصف کو فوری طور پر گرفتار کر لیا گیا ہے۔
