گوجرانوالہ: (دنیا نیوز) گوجرانوالہ کے مختلف علاقوں میں 4 افراد قتل جبکہ 2 زخمی ہو گئے۔
پولیس حکام کے مطابق قتل کے واقعات تھانہ سیٹلائٹ ٹاؤن، فیروزوالا، واہنڈو اور جناح روڈ کے علاقوں میں پیش آئے، مختار کالونی میں نامعلوم افراد نے فائرنگ کرکے ایک بھائی کو قتل جبکہ دوسرے کو زخمی کر دیا، گلہ رمضان والا میں چھریوں کے وار کر کے حافظ قرآن کو قتل کر دیا گیا۔
حکام نے مزید بتایا کہ جھنگی میں دیرینہ دشمنی پر ایک شخص کو قتل کر دیا گیا جبکہ دوسرا زخمی ہو گیا، چھبوکی میں ملزمان نے فائرنگ کر کے ایک نوجوان کو قتل کر دیا، پولیس نے لاشوں کو تحویل میں لیکر پوسٹ مارٹم کے لیے ہسپتال منتقل کر دیا۔
پولیس حکام کا کہنا ہے کہ تمام واقعات کی الگ الگ تفتیش شروع کر دی ہے، ملزموں فرار ہونے میں کامیاب ہوگئے، جن کی تلاش شروع کر دی گئی ہے۔
