لندن: (دنیا نیوز) اتوار کے روز پاکستانی ہائی کمیشن لندن پر حملہ کرنے والے انتہا پسند کی شناخت ہو گئی۔
پاکستانی ہائی کمیشن پر حملہ کرنے والا انتہا پسند بھارتی نژاد نکلا، 41 سالہ انکیت لو (Ankit Love) صادق خان کے مقابلے میں مئیر آف لندن کا الیکشن لڑ چکے ہیں۔
انکیت لو ون لو پارٹی کے بانی ہیں انہوں نے 2016 کے الیکشن میں صادق خان کے مقابلے میں 4941 ووٹ لئے اور وہ ون لو پارٹی one love party کی طرف سے الیکشن میں شامل ہوئے۔
انکیت لو بھارتی سیاستدان اور فلم میکر خاتون جے مالا Jay Mala کے بیٹے ہیں، برطانیہ میں متعدد الیکشنز میں حصہ لے چکے ہیں اور انکے والد بھی بھارتی وکیل اور سیاستدان ہیں ۔
ترجمان میٹروپولیٹن پولیس کا کہنا ہے کہ انکیت لوو کو آج ویسٹ منسٹر مجسٹریٹ کی عدالت میں پیش کیا جائے گا، انکیت لوو نے لونڈس اسکوائر میں پاکستانی ہائی کمیشن کی کھڑکیوں کو توڑا تھا۔
حالیہ حملہ ایک ایسے وقت میں کیا گیا ہے جب پاکستانی کمیونٹی آج بھارتی ہائی کمیشن کے سامنے احتجاج کرنے والی ہے جس کیلئے ان میں جوش و خروش پایا جاتا ہے۔
