راولپنڈی: (دنیا نیوز) چیئرمین پاکستان تحریک انصاف بیرسٹر گوہر علی نے کہا ہے کہ بانی پی ٹی آئی کہہ چکے 5 اگست کو تحریک پیک پر ہوگی۔
میڈیا سے گفتگو کرتے ہوئے بیرسٹر گوہر خان نے کہا کہ پی ٹی آئی میں کوئی اختلاف نہیں، مس انڈر سٹینڈنگ ہے، میری شیخ وقاص اور عالیہ حمزہ سے بات ہوگئی ہے۔
انہوں نے کہا کہ علی امین گنڈا پور کو بانی پی ٹی آئی کی حمایت حاصل ہے، گنڈا پور بہت اچھے طریقے سے صوبہ چلا رہے ہیں، ہماری پارٹی دوسری پارٹیوں کی پسند ناپسند پر نہیں چلتی۔
بیرسٹر گوہر نے کہا کہ سیاست میں دل بڑا رکھنا پڑتا ہے، ہم تحریک بھی چلائیں لیکن ہم کوئی گوریلا فورس نہیں، دو سال ہوگئے کامن سینس پریویل کرنی چاہئے۔
چیئرمین پی ٹی آئی نے کہا کہ جو لوگ اوپر بیٹھے ہیں ان کو سوچنا چاہئے، سینیٹ الیکشن کے لئے جو فہرست سرکولیٹ کر رہی ہے اس میں ایک فہرست جعلی ہے۔
بیرسٹر گوہر نے کہا کہ ہم نے جو فہرست جاری کی تھی اس میں جن لوگوں کے نام شامل ہیں وہی ہمارے امیدوار ہیں۔
