اسلام آباد: (دنیا نیوز) اسحاق ڈار کا ایرانی ہم منصب سے ٹیلیفونک رابطہ ہوا۔
ترجمان وزارت خارجہ کے مطابق اسحاق ڈار اور ایرانی وزیر خارجہ سید عباس عراقچی نے رابطے کے دوران اعلیٰ سطح دورے سے متعلق تبادلہ خیال کیا، ایرانی وزیر خارجہ نے کہا کہ ایران کا اعلیٰ سطح کا وفد پاکستان کا دورہ کرے گا، دونوں رہنماؤں نے غزہ کے سنگین انسانی بحران پر تبادلہ خیال کیا۔
اسحاق ڈار نے گفتگوکرتے ہوئے کہاکہ غزہ میں سنگین انسانی بحران سے لاکھوں فلسطینی متاثر ہوئے، وزیر خارجہ نے فلسطینی عوام کے لئے پاکستان کی غیر متزلزل حمایت کا اعادہ کیا۔
