پشاور: (دنیا نیوز) خیبرپختونخوا کے محکمۂ ہائیر ایجوکیشن نے ونٹر زون میں کالجز اور یونیورسٹیز کو بند کرنے کا اعلان کر دیا۔
جاری کیے گئے اعلامیے میں کہا گیا ہے کہ کالجز اور یونیورسٹیز 19 سے 25 اگست تک بند رکھے جائیں، اقدام طلبہ، اساتذہ اور سٹاف کی زندگیوں کو محفوظ بنانے کے لیے کیا گیا ہے۔
اعلامیے کے مطابق جامعات و کالجز تدریسی سرگرمیاں جاری رکھنے کے لیے آن لائن طریقہ کار اپنا سکتے ہیں۔
وزیر ہائیر ایجوکیشن مینا خان آفریدی کا کہنا ہے کہ متاثرہ علاقوں میں اعلیٰ تعلیم کی مد میں ریلیف دینے کے لیے منصوبہ بندی کی ہے، سیلاب کی وجہ سےطلبہ کو آسانی اور سہولیات کی کمی محسوس نہیں ہونے دیں گے۔
دوسری جانب ضلع مالاکنڈ میں سرکاری اور نجی تعلیمی ادارے آج سے ایک ہفتے کے لیے بند کر دیئے گئے ہیں، فیصلہ بارشوں، سیلاب اور لینڈ سلائیڈنگ کے خدشات کے پیش نظر کیا گیا ہے۔
سوات میں سیلاب متاثرہ علاقوں کے سرکاری ونجی سکول 25 اگست تک بند رہیں گے۔
