راولپنڈی: (دنیا نیوز) افغانستان سے لائی گئی لڑکی نے شادی سے انکار کر کے پولیس سے مدد طلب کر لی۔
پولیس حکام کے مطابق متاثرہ لڑکی کی 15 پر کال کے بعد دھمیال پولیس نے والدہ سمیت ریسکیو کر لیا، لڑکی پر تشدد کرنے کا مقدمہ اسکی والدہ کی مدعیت میں تھانہ دھمیال میں درج کیا گیا ہے۔
مقدمے کے متن میں کہا گیا کہ 17 سال کی بیٹی اور مالے خان کے ہمراہ 4 دن قبل کچلاک کے راستہ گرجا روڈ رضا منزل پہنچے، مالے خان کے بھائی گل خان سے بیٹی نوشابہ کی شادی ہونا تھی، گل خان کو دیکھ کر بیٹی نے شادی سے انکار کر دیا۔
متن میں مزید لکھا گیا کہ 22 اگست کی شب مالے خان نے زبردستی نکاح خواں بلایا، بیٹی کے شور کرنے پر نکاح خواں بھاگ گیا، نکاح سے انکار پر مالے خان نے اپنی بہن ناطی سمیت سنگین نتائج کی دھمکیاں اور گالیاں دیں اور نوشابہ کے منہ پر تھپڑ مارے۔
