لاہور: (دنیا نیوز) پنجاب کے سکولوں میں سرکاری افسران کو دوروں کے دوران گلدستے اور تحائف پیش کرنے پر پابندی عائد کر دی گئی۔
ذرائع کے مطابق سیکرٹری ایجوکیشن نے تمام اضلاع کے سی سی اوز ایجوکیشن کو مراسلہ جاری کردیا۔
مراسلے میں کہا گیا ہے کہ سیکرٹری ایجوکیشن کے مختلف دوروں کے دوران سکول انتظامیہ کی جانب سے گلدستے اور دیگر مہمان نوازی کے لیے اخراجات کا بے جا استعمال دیکھا گیا ہے۔
مراسلہ میں تحائف کے اخراجات سکولوں اور طلباء کی فلاح و بہبود کے لیے وقف کرنے کی ہدایت دے دی گئی ہے۔
سیکرٹری ایجوکیشن نے اس حوالے سے کہا ہے کہ سادگی اپنائی جائے، سرکاری دوروں پر پھول و تحائف پیش نہ کئے جائیں، تمام ایجوکیشن افسران نمائشی کلچر کی حوصلہ شکنی کریں۔
سیکرٹری ایجوکیشن کی محکمہ کے تمام افسران کو مراسلے پر عملدرآمد فوری یقینی بنانے کی ہدایت کردی۔
