راولپنڈی: (دنیا نیوز) پاکستان تحریک انصاف کے رہنما نعیم پنجوتھا نے کہا کہ بانی پی ٹی آئی نے سلمان اکرم راجا کا استعفیٰ نامنظور کر دیا۔
نعیم حیدر پنجوتھا کا کہنا تھا کہ بانی پی ٹی آئی نے سلمان اکرم راجا کو کام جاری رکھنے کی ہدایت کی ہے۔
اڈیالہ جیل کے باہر میڈیا سے بات چیت کرتے ہوئے سلمان اکرم راجا نے کہا کہ میرے استعفیٰ پر بانی پی ٹی آئی نہیں مانے، الیکشن کے حوالے سے سیاسی کمیٹی کی آج شام کو دوبارہ میٹنگ ہوگی۔
سلمان اکرم راجا نے کہا کہ اپوزیشن لیڈر عمر ایوب اور شبلی فراز ہی ہیں وہ عدالتوں میں اپنے مقدمات لڑ رہے ہیں۔
انہوں نے کہا کہ قومی اسمبلی کیلئے محمود خان اچکزئی کا نام خان صاحب نے دوہرایا ہے، بانی پی ٹی آئی کی ہدایات کی روشنی میں سیاسی کمیٹی انتخابات کے حوالے سے فیصلہ کرے گی۔
