لاہور:(دنیا نیوز) پی آئی اے کا کینیڈا کے لیے فلائٹ آپریشن عارضی طور پر معطل کردیا گیا۔
قومی ایئرلائنز کے ترجمان کے مطابق پی آئی اے کا رواں ماہ پاکستان سے کینیڈا کے لیے اپنے فضائی آپریشن کو عارضی طور پر معطل کرنے کا فیصلہ کیا گیا ہ، یہ اقدام بحر الکاہل کو پار کرنے والے خصوصی بوئینگ 777 لانگ رینج طیاروں کی ضروری میٹیننس کیلئے اٹھایا گیا ہ۔
ترجمان کا کہنا تھا کہ یہ طیارے بغیر رکے 17 گھنٹے مسلسل پرواز کرنے کی صلاحیت رکھتے ہیں، دونوں لانگ رینج طیاروں کو تین ہفتوں کے لیے تکنیکی معائنے اور پرزہ جات کی تبدیلی کے عمل سے گزارا جائے گا جوکہ ہر دس سال بعد ناگزیر ہوتا ہے
پی آئی اےترجمان نے بتایا کہ اِس وقت طیاروں کی مرمت کا مقصد آنے والے مہینے میں متوقع مسافروں کے رش سے پہلے اپنے طیاروں کو مکمل طور پر تیار کرنا ہے۔
ترجمان کا مزید کہنا تھا کہ پی ائی اے اپنے مسافروں کو ہونے والی زحمت کیلئے معذرت خواہ ہے تاہم مسافروں کی حفاظت اور طیاروں کی مکمل فٹنس ہے اولین ترجیح ہے۔
