اسلام آباد:(دنیا نیوز) رہنما پیپلزپارٹی نیئربخاری نے کہا ہے کہ مریم نوازکےچچا کےپاس حکومت پیپلزپارٹی کی وجہ سے ہے۔
دنیا نیوز کے پروگرام’’ ٹو نائٹ ود ثمرعباس‘‘میں گفتگو کرتے ہوئے نیئر بخاری کا کہنا تھا کہ پیپلز پارٹی اگر ساتھ نہ دیتی تویہ سسٹم نہ چل رہا ہوتا، پیپلزپارٹی نےدانشمندی سے فیصلہ کیا کہ پارلیمان کا وجود ضروری ہے۔
اُن کا کہنا تھا کہ اگروفاقی حکومت جاتی ہےتو کیا پنجاب حکومت قائم رہ سکےگی؟مسلم لیگ(ن)چاہتی ہے کہ ملک میں پارلیمانی نظام نہ چلے،یہ ہمارے بغیرقومی اسمبلی کا کورم پورا نہیں کرسکتے۔
رہنما پیپلزپارٹی نے کہا کہ مریم نواز کے چچا کے پاس حکومت پیپلزپارٹی کی وجہ سے ہے، مریم نوازسسٹم لپیٹنا چاہتی ہیں، مسلم لیگ (ن) والےخوش فہمی میں بیٹھےہیں، وہ ہمیشہ آئی ایم ایف کے پاس جاتےہیں،آج بھی انہوں نے وفاق میں کشکول اٹھایا ہوا ہے۔
