لاہور: (دنیا نیوز) نجی ایئر لائن کا فلائٹ آپریشن شدید متاثر ہونے کی وجہ سے پروازوں میں 20 گھنٹے تک تاخیر ہوگئی۔
انتظامی مسائل کی وجہ سے نجی ایئر لائن کی ملک بھر کی 6 پروازیں منسوخ اور 69 تاخیر کا شکار ہیں، نجی ایئر لائن کی کراچی سے گوادر، ملتان، سکردو کی 5 جبکہ اسلام آباد سے دبئی کی ایک پرواز منسوخ کردی گئی ہے۔
فلائٹ شیڈول کے مطابق نجی ایئر لائن کی اسلام آباد کی 28 پروازوں میں ایک سے 20 گھنٹے تک تاخیر ہوئی ہے، اسلام آباد سے ریاض کی نجی ایئر لائن کی پرواز 20 گھنٹے تاخیر سے روانہ ہوئی ہے، کوئٹہ سے اسلام آباد کی قومی ایئر لائن کی 2 پروازوں میں 7 گھنٹے کی تاخیر ہوئی ہے۔
