لاہور: (دنیا نیوز) لاہور پولیس نے آج ہی پولیس حراست میں اپنے ساتھیوں کی فائرنگ سے قتل ہونے والے طیفی بٹ کے عزیز گوگی بٹ کے گھر پر چھاپہ مارا، گرفتاری میں ناکامی ہوئی۔
ذرائع کے مطابق سی سی ڈی پولیس نے چھاپہ مارا مگر گوگی بٹ ساتھیوں سمیت پہلے سے فرار تھا، گوگی بٹ چند دنوں سے انڈر گراؤنڈ تھا۔
پولیس ذرائع نے کہا کہ گوگی بٹ کو جلد گرفتار کر لیا جائے گا۔
بعدازاں پولیس ذرائع نے بتایا کہ گوگی بٹ کی گوالمنڈی میں پرانی رہائش گاہ کے قریب نامعلوم موٹر سائیکل سواروں نے فائرنگ کر دی۔
ذرائع کے مطابق دو نامعلوم موٹر سائیکل سوار آئے اور گھر کے قریب کلاشنکوف کے فائر کیے، پولیس نے فائرنگ کے خول قبضے میں لے لیے۔
