کراچی: (دنیا نیوز) کراچی میں جھونپڑوں میں آگ بھڑک اٹھی، آگ میں جھلس کر ایک معذور شخص جاں بحق ہوگیا۔
پولیس کے مطابق آگ گلشن اقبال کے علاقے شانتی نگر میں لگی، 40 سالہ ایوب نامی شخص معذوری کی وجہ سے جھونپڑی سے باہر نہ نکل سکا اور جان کی بازی ہار گیا۔
فائربریگیڈ کی تین گاڑیاں موقع پر پہنچ گئیں اور آگ پر قابو پانے میں کامیاب ہوگئیں، ترجمان کے مطابق آگ پر قابو پانے کے عمل میں وقت لگا لیکن بالآخر حالات قابو میں آگئے۔
متاثرہ شخص کی لاش ہسپتال منتقل کی گئی جہاں اس کی شناخت ایوب کے طور پر کی گئی ہے، پولیس کا کہنا ہے کہ ایوب معذوری کی وجہ سے خود کو بچا نہ سکا۔
