کراچی: (دنیا نیوز) شہر قائد کے علاقہ کلفٹن بلاک 2 کے قریب ٹریفک حادثے میں ایک شخص جاں بحق ہوگیا۔
حادثہ واٹر ٹینکر کی موٹر سائیکل کو ٹکر سے پیش آیا، حادثے کی اطلاع پر پولیس کی بھاری نفری اور امدادی ٹیمیں بھی موقع پر پہنچ گئیں، ریسکیو حکام نے جاں بحق ہونے والے موٹرسائیکل سوار کی لاش کو ضروری کارروائی کے لئے ہسپتال منتقل کر دیا گیا۔
ریسکیو ذرائع نے بتایا کہ جاں بحق شخص کی شناخت 30 سالہ حافظ الرحمٰن کے نام سے ہوئی ہے، پولیس حکام نے ضابطے کی کارروائی کے بعد حافظ الرحمٰن کی لاش کو ورثا کے حوالے کر دیا۔
پولیس حکام کا کہنا ہے کہ واٹر ٹینکر کے ڈرائیور کے خلاف قانونی کارروائی شروع کر دی گئی ہے۔
