اسلام آباد: (دنیا نیوز) نائب وزیراعظم و وزیرِ خارجہ اسحاق ڈار کا کینیڈین ہم منصب انیتا آنند سے ٹیلیفونک رابطہ ہوا جس میں قریبی روابط برقرار رکھنے پر اتفاق کیا گیا۔
ترجمان دفتر خارجہ کے مطابق پاکستان اور کینیڈا کے وزرائے خارجہ نے دوطرفہ تجارت و سرمایہ کاری بڑھانے پر اتفاق کیا، زراعت اور معدنیات کے شعبوں میں تعاون بڑھانے پر تفصیلی تبادلہ خیال کیا گیا۔
کینیڈین وزیرِ خارجہ نے پاکستانی منڈی میں کینولا برآمدات کی سہولت پر شکریہ ادا کیا جبکہ دونوں رہنماؤں نے باہمی اقتصادی تعاون مزید مضبوط بنانے کے عزم کا اظہار بھی کیا۔
ترجمان دفتر خارجہ نے بتایا کہ پاکستان اور کینیڈا نے قریبی رابطے برقرار رکھنے پر اتفاق کیا ہے۔
