لاہور: (دنیا نیوز) لاہور ہائیکورٹ نے منگیتر کے کہنے پر شہری کو قتل کرنے والے ملزم کی سزائے موت کالعدم قرار دے دی۔
جسٹس شہرام سرور کی سربراہی میں دو رکنی بنچ نے اپیل پر سماعت کی، عدالت نے ملزم نادر کی اپیل کو منظور کرتے ہوئے رہا کرنے کا حکم دے دیا، جسٹس شہرام سرور نے کہا کہ نامعلوم کے خلاف مقدمہ درج ہوا پھر بعد میں نامزد کیسے کیا۔
مدعی وکیل نے بتایا کہ ملزم نادر سے پسٹل اور موٹر سائیکل ریکور ہوئی، ملزم کی سی ڈی آر ملزم کو واقع سے جوڑتی ہے، استدعا ہے کہ عدالت ملزم کی اپیل خارج کرنے کا حکم دے۔
بعدازاں لاہور ہائیکورٹ نے وکیل مدعی کی استدعا مسترد کرتے ہوئے منگیتر کے کہنے پر شہری کو قتل کرنے والے ملزم کی سزائے موت کالعدم قرار دے دی۔
یاد رہے کہ ملزم نادر کے خلاف تھانہ تھے شیخم قصور میں مقدمہ درج ہے، ملزم نادر کو ٹرائل کورٹ نے سزائے موت کی سزا سنائی تھی۔
