لاہور: (ویب ڈیسک) پاکستان کے مشہور ٹینس سٹار اعصام الحق نے ملک بھر میں بڑھتے ہوئے کورونا وائرس کی تعداد کے بعد متاثرہ خاندانوں تک راشن پہنچانے کا اپنا ٹارگٹ پورا کر لیا۔
تفصیلات کے مطابق 30 مارچ سے قومی ٹینس سٹار اعصام الحق کورونا کے خلاف جنگ میں متحرک ہوئے تھے، ہزار گھروں تک راشن پہنچانے کا کام شروع کیا تھا۔
وبائی آفت سے بچاؤ کے لیے قومی ٹینس کھلاڑی اعصام الحق نے معروف سماجی تنظیم کے تعاون سے ایک ہزار مستحق فیملیز تک راشن پہنچانے کے لیے خود میدان میں آئے تھے۔
Through my athlete’s career, I learnt that we are #StrongerTogether!
— Aisam ul Haq Qureshi (@aisamhqureshi) April 5, 2020
Even separated, team spirit is the key of our success.
Through this #WhiteCard, I share a message of unity and solidarity for Peace.
And you?@rohanbopanna @DjokerNole@peaceandsport #ChampionsforPeace pic.twitter.com/Ye2jq2HCkP
اعصام الحق نے اپنے پرستاروں کو کورونا وائرس سے بچاؤ کی تدابیر پر عمل کرنے کے ساتھ ساتھ ضرورتمندوں کی مدد کی اپیل بھی کی تھی۔
سماجی رابطے کی ویب سائٹ ٹویٹر پر پاکستانی ٹینس سٹار اعصام الحق نے ٹویٹ کرتے ہوئے لکھا کہ میں نے اپنے ٹینس کیریئر میں سکھا ہے کہ ہم مل کر ہی مضبوط ہو سکتے ہیں۔
Thankyou @shizahassanofficial and all the donors for their contribution helping raise Rs 3.5 million which will help @Rizq_Sharefood to distribute 1000 ration bags among needy ,poor families and daily wagers #CoronaInPakistan #hungerfreepakistan pic.twitter.com/DOhKViVP06
— Aisam ul Haq Qureshi (@aisamhqureshi) March 29, 2020
ٹویٹر پر دیکھا جا سکتا ہے کہ انہوں نے سفید رنگ کا کارڈ اُٹھا رکھا ہے جس کے ذریعے وہ امن کیلئے اتحاد اور یکجہتی کا پیغام دے ہیں۔ میری اپیل ہے کہ غریبوں میں راشن تقسیم کرنے کے لیے فنڈز دیں تاکہ ان کی مدد کی جا سکے۔
Alhamdulliah delivered few ration bags myself today in collaboration with @Rizq_Sharefood @shizahassanofficial working to make a #hungerfreepakistan in sha Allah. #CoronaInPakistan pic.twitter.com/cE48cN8Pqe
— Aisam ul Haq Qureshi (@aisamhqureshi) March 29, 2020
قومی ٹینس سٹار نے اپنے سماجی رابطے کی ویب سائٹ ٹویٹر پر مختلف لوگوں کو بھی ’ٹیگ‘ کیا، انہی میں سے ایک دنیائے ٹینس کے مشہور کھلاڑی نوواک جوکووچ اور بھارتی ٹینس سٹار کھلاڑی روہن بوپانا بھی شامل ہیں۔
یاد رہے کہ ٹینس سٹار اعصام الحق سے قبل پاکستان کرکٹ ٹیم کے سابق کپتان اور آل راؤنڈر شاہد آفریدی، سہیل تنویر، احمد شہزاد ، ان کی اہلیہ اور امپائر علیم ڈار سمیت دیگر کھلاڑی فلاحی کاموں کے لیے میدان میں اتر چکے ہیں اور لوگوں کے گھروں تک راشن پہنچانے کے لیے سرگرم ہیں۔
