پیرس: (ویب ڈیسک) فرانس سے تعلق رکھنے فٹبال کھیل کے ممتاز کھلاڑی تھیری ہینری نے نسل پرستانہ رویے کی وجہ سے احتجاجاً تمام سوشل میڈٰیا پلیٹ فارمز کو خیرباد کہہ دیا ہے۔
غیر ملکی خبر رساں ادارے کے مطابق 43 سالہ فٹبال کھلاڑٰ تھیری ہینری کے صرف ٹویٹر پر اس وقت دو اعشاریہ تین ملین فالورز ہیں۔ انہوں نے سوشل میڈیا کو چھوڑنے کا اعلان کرتے ہوئے کہا کہ یہ سب کچھ میرے لئے ناقابل برداشت اور ایسا زہریلا تھا جسے صرف نظر کرنا میرے بس میں نہیں ہے۔
اپنے ایک بیان میں تھیری ہینری نے فرانسیسی حکام کی توجہ اس جانب مبذول کراتے ہوئے کہا ہے کہ وہ دوبارہ سوشل میڈیا پر واپس نہیں آئیں گے جب تک عوامی رابطوں کے ان پلیٹ فارمز کو ریگولیٹ نہیں کر دیا جاتا۔ کم از کم دوسروں کو تکلیف پہنچانے والوں کی جوابدہی تو ضرور ہونی چاہیے۔
Hi Guys
— Thierry Henry (@ThierryHenry) March 26, 2021
From tomorrow morning I will be removing myself from social media until the people in power are able to regulate their platforms with the same vigour and ferocity that they currently do when you infringe copyright.... pic.twitter.com/gXSObqo4xg
فرانسیسی کھلاڑی کا کہنا تھا کہ حقیقت میں یہ کام بہت ہی آسان ہے کہ سوشل میڈٰیا پر آ کر اپنا اکاؤنٹ بنایا جائے اور فوراً ہی کسی کو بھی ہراساں کرنا شروع کر دیا جائے۔
خیال رہے کہ تھیری ہینری کا شمار فرانس کے شہرہ آفاق کھلاڑیوں میں ہوتا ہے۔ وہ عرصہ تک فٹبال ٹیم آرسنل کیساتھ وابستہ رہے، ان کی ٹیم میں موجودگی اس کی کارکردگی کو بہتر بنانے میں مددگار رہی۔ آرسنل نے 1999ء اور 2007ء میں جب پریمئیر لیگ کے ٹائٹلز جیتے تو اس وقت وہ ٹیم کا حصہ تھے۔
