تہران: (ویب ڈیسک) قطر فٹبال ورلڈ کپ میں امریکا سے شکست کے بعد ایران کی ٹیم باہر ہو گئی لیکن اس کے باوجود شہری سڑکوں پر نکل آئے اور جشن منایا۔
میڈیا رپورٹس کے مطابق سماجی رابطوں کی ویب سائٹس پر جشن کی تصاویر اور ویڈیوز وائرل ہو رہی ہیں جس میں ایرانی شہری اپنی ہی ٹیم کی شکست پر سڑکوں پر نکل کر ٹائر جلا رہے ہیں اور جشن منا رہے ہیں۔
ٹوئٹر پر شئیر کی گئی ویڈیو میں دیکھا جاسکتا ہے کہ ایرانی شہری اپنی ٹیم کی شکست پر مایوس ہونے کے بجائے جشن منا رہے ہیں۔ ایران کے مختلف علاقوں میں شہریوں کی جانب سے آتشبازی بھی کی گئی۔
واضح رہے ایران کا مغربی صوبہ کردستان ان مظاہروں کا مرکز ہے اور ٹیم کی عالمی کپ میں شکست کے بعد یہاں بڑے پیمانے پر جشن منایا جا رہا ہے۔
آن لائن شیئر کی گئی ویڈیوز میں کردستان کے ایک اور شہر مہاآباد میں بھی عوام نے امریکا کی فتح کی خوشی میں آتش بازی کی اور حکومت مخالف نعرے لگائے جبکہ کچھ منچلوں نے ریلی کی شکل میں بائیک پر ٹیم کی شکست پر خوشی کا اظہار کیا۔ اس کے علاوہ صوبے کرمانشا کے شہروں ماری وان، پاوے، سوپولے زہب وغیرہ میں بھی امریکا کی فتح اور ایران کی شکست پر خوشیاں منائی گئیں۔
We congratulate the @ussoccer team on the victory vs Islamic Republic’s team tonight! #EastKurdistan / #IranianKurdistan celebrates the victory tonight! #IRGCterrorist #KhameneiTerrorist #WorldCup2022 pic.twitter.com/IeXBobJLfh
— Mohsen Berkhaneh (@berkhaneh) November 29, 2022
