اسلام آباد : ( ویب ڈیسک ) پاکستان سپورٹس بورڈ ( پی ایس بی ) کے زیر اہتمام دو روزہ کوچنگ کورس آج سے پاکستان سپورٹس کمپلیکس، اسلام آباد میں شروع ہوگا۔
کوچنگ کورس میں اسلام آباد اور راولپنڈی سے مختلف کھیلوں کے 50 مرد اور خواتین کوچز، کھلاڑی اور ٹیکنکل آفیشلز (ججز، ریفری اور امپائرز) حصہ لیں گے۔
پاکستان سپورٹس بورڈ کے ڈپٹی ڈی جی محمد شاہد اسلام سمیت رانا نصراللہ، قرت العین، ارشد محمود اور اسد اللہ کورس کے شرکا کو مختلف کھیلوں کے مختلف امور پر لیکچرز دیں گے۔
