لاہور: (دنیا نیوز) پنجاب میں رنگا رنگ ہارس اینڈ کیٹل شو کا دوسرا دِن، غیرملکی ٹیموں کے کھلاڑیوں کی بھرپور پرفارمنس کا مظاہرہ کیا۔
غیرملکی ٹیموں کے کھلاڑیوں کی جانب سے ہارس اینڈ کیٹل شو کے بہترین انتظامات کی تحسین، پنجاب کے کلچر اور یہاں کی زندہ دلی دیکھ کر دل خوش ہوگیا ہے، غیرملکی مرد وخواتین کھلاڑیوں نے اگلے ہارس اینڈکیٹل شو میں بھی شرکت کا اعلان کردیا ۔
ہارس اینڈ کیٹل شو میں 13 بین الاقوامی ٹیمیں بھی اپنے فن کا مظاہرہ دکھا رہی ہیں جن میں کویت، ناروے، عمان، قطر، مصر، سعودی عرب، ساﺅتھ افریقہ، امریکہ کی نیزہ باز ٹیمیں شامل ہیں، پاکستان، ایران، ترکیہ، ازبکستان، قزاقستان، کرغستان، تاجکستان کی تیر انداز ٹیموں نے بھی ہارس اینڈ کیٹل شو میں اپنے فن کا مظاہرہ کیا۔
نیزہ بازی کی 9 اور تیراندازی کی 4 بین الاقوامی ٹیمیں مقابلوں میں شریک ہیں، ملک بھر سے 54 ٹیمیں ہارس اینڈکیٹل شو میں شرکت کررہی ہیں، شہ سواروں نے گھڑ سواری اور نیزہ بازی کی کمال مہارت کا مظاہرہ کیا۔
ماہر گھڑ سوار روایتی لباس زیب تن کئے میدان میں سرگرم نظر آئے، شائقین کی بڑی تعدادنے فورٹریس سٹیڈیم میں ہارس اینڈ کیٹل شو دیکھا ۔
واضح رہے کہ تین روزہ نیشنل ہارس اینڈکیٹل شو لاہور 10 فروری سے شروع ہوا ہے، 30 سال بعدپہلی بار 70 بین الاقوامی ٹیمیں بھی شو کا حصہ بنی ہیں، ”ہارس اینڈ کیٹل شو2025“ کا عنوان” اتحاد ، ترقی اور ثقافت کی بحالی“ ہے۔
