تل ابیب: (ویب ڈیسک) اسرائیل اور ایران کے درمیان جنگ کی وجہ سے بین الاقوامی یہودی کھیلوں کا ایونٹ مکابیہ گیمز، جو اگلے ماہ ہونے والاتھا، ایک سال کے لیے ملتوی کر دیا گیا۔
مکابیہ نے اعلان کیا کہ یروشلم میں 8 جولائی کو آغاز ہونے کی بجائے، اب مکابیہ گیمز 2026 کے موسم گرما میں ہوں گے۔
انٹرنیشنل سپورٹس ایونٹ کے منتظمین نے ایک بیان میں کہا، "ہم آپ سے اگلے سال ملیں گے’’ پہلے سے زیادہ مضبوط اور متحد‘‘ اب تک کے سب سے زیادہ معنی خیز مکابیہ کے لیے"۔
اس ایونٹ میں دنیا بھر سے تقریباً 10,000 ایتھلیٹس کے دو ہفتوں تک کھیلوں کے مقابلوں کے لیے اسرائیل آنے کی امید تھی، اولمپکس کی طرح، کھیلوں کو چار سال کے شیڈول پر چلنا ہے، حالانکہ 2021 کے ایونٹ کو COVID وبائی امراض کی وجہ سے 2022 تک دھکیل دیا گیا تھا۔
