اسلام آباد: (دنیا نیوز) پاکستان فٹبال فیڈریشن نے انڈر 17 اور فٹسال ٹیم کے کوچنگ سٹاف فائنل کر لیے۔
ناصر اسماعیل پاکستان انڈر 17 فٹبال ٹیم کے ہیڈ کوچ ہوں گے، ان کے نام کی منظوری دیدی گئی ہے جبکہ شاداب اور عیسیٰ خان انڈر 17 ٹیم کے اسسٹنٹ کوچز کے عہدے پر فائنل ہوئے ہیں۔
خرم شہزاد کو پاکستان انڈر 17 ٹیم کا گول کیپنگ کوچ مقرر کیا گیا ہے، سخاوت علی کو پاکستان فٹسال ٹیم کا ہیڈ کوچ بنانے کا فیصلہ کیا گیا ہے جبکہ ہاشم خان اور شاہ رخ خٹک بھی فٹسال ٹیم کے کوچنگ سٹاف میں شامل ہوں گے۔
