کراچی: (دنیا نیوز) محکمہ موسمیات نے شہر قائد میں اب تک ہونے والی بارش کے تازہ اعداد و شمار جاری کر دیئے۔
رپورٹ کے مطابق کراچی میں صبح سے وقفے وقفے سے موسلادھار بارش کا سلسلہ جاری ہے، گلشن حدید میں سب سے زیادہ 170 ملی میٹر بارش ریکارڈ کی گئی۔
اولڈ ایئرپورٹ پر 158.5 ملی میٹر، جناح ٹرمینل پر 152.5 ملی میٹر بارش ریکارڈ کی گئی، ناظم آباد میں 149.6 ملی میٹر، سرجانی میں 145 ملی میٹر بارش ہوئی۔
رپورٹ کے مطابق سعدی ٹاؤن میں 140.2 ملی میٹر، نارتھ کراچی میں 143، کیماڑی میں 140 ملی میٹر بارش ریکارڈ کی گئی۔
محکمہ موسمیات کے مطابق ڈی ایچ اے میں 134 اور شارع فیصل پر 128 ملی میٹر بارش ہوئی، گلشن معمار میں 98 ملی میٹر بارش ریکارڈ کی گئی۔
