مالے: (دنیا نیوز) کامن ویلتھ بیچ ہینڈ بال چیمپئن شپ میں پاکستان نے مسلسل تیسری فتح حاصل کر لی۔
پاکستان اور میزبان مالدیپ کے درمیان میچ میں سنسنی خیز مقابلہ ہوا، پاکستان نے ایونٹ کے تیسرے میچ میں مالدیپ کو1-2 سے شکست دے دی۔
پاکستان نے پہلے سیٹ میں ناکامی کے بعد کم بیک کرکے مسلسل 2 سیٹ جیتے، پاکستان کی کامیابی کا سکور 15-16، 22-10 اور 7-6 رہا، پاکستان کی جانب سے 11 پوائنٹس حاصل کرنے والے کاشف علی کو مین آف دی میچ قرار دیا گیا۔
واضح رہغے کہ صبح کے سیشن میں پاکستان نے سری لنکا کو 0-2 سے شکست دی تھی، گزشتہ شب ہونے والے میچ میں پاکستان نے بھارت کو 0-2سے ہرایا تھا۔
پاکستان نے اب تک کھیلے جانے والے تینوں میچز میں کامیابی حاصل کی ہے، ایونٹ میں اب پاکستان اپنے میچز جنوبی افریقا اور بنگلا دیش کے خلاف کھیلے گا۔
