لندن: (ویب ڈیسک) پرتگال کے سٹار فٹبالر کرسٹیانو رونالڈو نے ایک اور اہم اعزاز اپنے نام کر لیا۔
رونالڈو نے گزشتہ روز ہنگری کے خلاف میچ میں دو گول سکور کیے تاہم ان کی ٹیم میچ میں فتح حاصل نہ کرسکی اور مقابلہ 2-2 گول سے برابر رہا۔
40 سالہ رونالڈو ورلڈ کپ کوالیفائرز میں سب سے زیادہ گول کرنے والے کھلاڑی بن گئے ہیں، ان کے گولز کی تعداد 41 ہو گئی ہے۔
— FIFA World Cup (@FIFAWorldCup) October 14, 2025
انہوں نے گوئٹے مالا کے سابق کھلاڑی کارلوس روئز کو پیچھے چھوڑ دیا جنہوں نے ورلڈکپ کوالیفائرز میں 39 گول کر رکھے تھے، ارجنٹینا کے سٹار لیونل میسی 36 گول کے ساتھ تیسرے نمبر پر ہیں۔
