ایبئزا: (ویب ڈیسک) ارجنٹینا سے تعلق رکھنے والے دُنیائے فٹ بال کے نامور کھلاڑی لیونل میسی کا 10 ملین پاؤنڈز (3 ارب 76 کروڑ 83 لاکھ سے زائد) کی حویلی ’ایبئزا‘ کو غیر قانونی قرار دے دیا گیا جسے جلد منہدم کرنے کا امکان ہے۔
غیر ملکی میڈیا رپورٹس کے مطابق 16 ہزار مربع میٹر کی یہ جائیداد میسی نے 2022 میں سوئس تاجر فلپ امون سے خریدی تھی جسے اب قانونی تنازع کا سامنا ہے۔
اس سے قبل گزشتہ برس بھی اس جائیداد پر اس وقت تنازع کھڑا ہوا جب موسمیاتی کارکن گروپ فیوٹورو ویجیٹل (Futuro Vegetal) کی جانب سے یہاں توڑ پھوڑ کی گئی۔
لیونل میسی یہ حویلی سپین کے علاقے ایبئزا کے مغربی ساحل پر واقع ہے جس کا مناسب اجازت نامہ یا قبضے کا سرٹیفکیٹ ان کے پاس نہیں ہے، یہی وجہ ہے کہ میسی اسے فروخت یا کرائے پر نہیں دے سکتے۔
قانونی مسائل حل نہ ہونے کی صورت میں میسی کی حویلی کا کچھ حصہ منہدم کرنا پڑ سکتا ہے۔
