آسٹریلیا سے برطانیہ کا سفر اب صرف 17 گھنٹوں کی ایک فلائٹ میں سمٹ گیا ہے۔ آسٹریلیا سے پرواز بھرنے والی کوانتس ایئرلائن کی یہ فلائٹ بغیر کہیں رکے 9 ہزار میل کا سفر 17 گھنٹوں میں طے کر کے لندن پہنچے گی۔ آسٹریلیا سے لندن تک کے اس طویل ترین فضائی روٹ کو "کینگرو روٹ" کے نام سے جانا جاتا ہے۔
Passengers in Perth are preparing for the first non-stop flight from Australia to the UK, which will last 17 hours. ️
— BBC Radio 5 live (@bbc5live) March 24, 2018
Look at how it compares to the original ‘kangaroo route’ #5liveBreakfast pic.twitter.com/t03l9YLw6G
کوانتس ایئر لائن نے جب 1947 میں آسٹریلیا سے لندن تک کا یہ "کینگرو روٹ" شروع کیا تھا تو اس وقت اسے منزل تک پہنچنے میں چار دن لگتے تھے جس دوران اسے 9 جگہ پر رکنا پڑتا تھا۔آسٹریلوی فضائی کمپنی نے اس روٹ کو اب صرف 17 گھنٹوں میں طے کرنے کے لیے سروس کا آغاز کیا ہے۔ اس طویل ترین روٹ پر بغیر روکے سفر کرنے والی پہلی پرواز 24 مارچ کو پرتھ کے مقامی وقت کے مطابق شام چھ بج کر 45 منٹ پر روانہ ہوئی ہے اور بغیر کہیں رکے 17 گھنٹوں کا سفر طے کر کے لندن کے مقامی وقت کے مطابق اتوار کو صبح سویرے 5 بچے لندن پہنچے گی۔
A momentous occasion on the flight deck of #QF9#QantasDreamliner pic.twitter.com/dRTh79ZxUb
— Qantas (@Qantas) March 24, 2018
اس پرواز کے لیے بوئنگ کا ڈریم لائنر 787-9 استعمال کیا جا رہا ہے۔ آسٹریلیا کی حکومت کو امید ہے کہ اس سے سیاحت کو فروغ ملے گا۔ خیال رہے کہ دنیا کی سب سے طویل ترین فلائٹ کا اعزاز قطر ایئرویز کے پاس ہے جو دوہا سے نیوزی لینڈ کے شہر آکلینڈ کا 14 ہزار 529 کلومیٹر کا سفر طے کرتی ہے۔
