چین کا بے قابو خلائی محل جنوبی بحرالکاہل میں جا گرا

چین: (ویب ڈیسک) دنیا بھر کے لیے تباہی کا خطرہ بننے والا چینی خلائی سٹیشن زمین پر پہنچ گیا، تیانگونگ1 نامی یہ ناکارہ خلائی سٹیشن زمین کے فضائی حدود میں داخل ہوتے ہی بکھر گیا اور جنوبی بحرالکاہل میں ٹکڑے ٹکڑے ہو کر گرا۔

تقریباً 7 سال خلاء میں رہنے والی یہ 8 میٹرک ٹن وزنی تجربہ گاہ اپنے اختتام کو پہنچی۔ چین اور امریکی میڈیا کے مطابق تیانگونگ 1 زمین کی خلائی حدود میں پاکستانی وقت کے مطابق صبح پانچ بج کر 15 منٹ پر داخل ہوا اور 5:30 کے قریب جنوبی بحرالکاہل میں گر کر تباہ ہوگیا۔

واضح رہے کہ جنوبی بحرالکاہل ایک وسیع خطہ ہے۔ ابھی یہ پتہ نہیں چل سکا ہے کہ کتنا ملبہ زمین پر سالم گرا ہے۔ تاہم اس پورے واقعے میں کوئی جانی نقصان نہیں ہوا۔

یہ خلائی سٹیشن زمینی کرہ ہوائی میں آواز سے 22 گنا زیادہ رفتار پر داخل ہوا ۔ خلائی ماہرین کا کہنا ہے کہ جنوبی بحرالکاہل میں سمندر سے ٹکراتے وقت اس کے ٹکڑوں کی رفتار 27 ہزار کلومیٹر فی گھنٹہ نوٹ کی گئی۔

#ICYMI Every week, on average, a substantial, inert satellite drops into our atmosphere and burns up. Monitoring these reentries and warning European civil authorities has become routine work for ESA’s #spacedebris experts. #tiangong1
Read more: https://t.co/5eBJzT2E67 pic.twitter.com/V5OzYKVsEQ

— ESA (@esa) April 1, 2018

ہارورڈ سمتھسونین سینٹر کے خلاباز جوناتھن میک ڈاول نے کہا ایسا معلوم ہوتا ہے کہ یہ تاہیٹی کے شمال مغرب میں گرا ہے۔

خیال رہے کہ یورپی سپیس اینجسی کی قیادت میں 13 سپیس ایجنسیاں راڈار اور دوربین کے ذریعے تیانگونگ کے گرنے کے عمل پر نظر رکھ رہے تھے۔