لاہور: (روزنامہ دنیا) چین کے ہونہار طلبا نے بصارت سے محروم افراد کے لئے جدید خصوصیات کا حامل سمارٹ ہیلمٹ تیار کر لیا ہے۔
رپورٹ کے مطابق چین کی کمنگ یونیورسٹی آف سائنس اینڈ ٹیکنالوجی کے طلبا کا تیار کردہ آئی سی (Eye See) نامی یہ ہیلمٹ بصارت سے محروم افراد کو نہ صرف پڑھنے کی صلاحیت فراہم کرتا ہے بلکہ راستے میں آنے والی رکاوٹوں کے بارے میں بھی آگاہ کرتا ہے۔
اس کے ساتھ ساتھ یہ ہیلٹ کیمرے کی مدد سے سامنے کھڑے شخص کی پہچان بھی بتاتا ہے۔ طلبا نے 7 سال کی محنت کے بعد یہ سمارٹ ہیلمٹ تیار کیا ہے۔
