اسلام آباد: (دنیا نیوز) پاکستان نے مقامی وسائل سے پاک ٹیس ون سیٹلائٹ تیار کرلیا، آئندہ ماہ خلا میں بھیجا جائے گا۔
ترجمان دفتر خارجہ ڈاکٹر محمد فیصل کا کہنا ہے کہ پاکستان نے مقامی وسائل سے ایک سیٹلائٹ تیار کر لیا ہے۔ سیٹلائٹ کو پاک ٹیس ون اے کا نام دیا گیا ہے۔ترجمان دفتر خارجہ نے مزید بتایا کہ سیٹلائٹ کا وزن 285 کلوگرام ہے، جو ریموٹ سینسنگ کیلئےاستعمال ہوگا۔ سیٹلائٹ زمین کے جغرافیے، موسم، ماحول اور سائنسی تحقیق میں معاون ثابت ہوگا۔
ڈاکٹرمحمد فیصل کے مطابق پاک ٹیس ون اے سیٹلائٹ آئندہ ماہ خلا میں بھیجا جائے گا، جو 610 کلومیٹر کی بلندی پر مدار میں چکر لگائے گا۔
