میکسیکو: (دنیا نیوز) میکسیکو میں روبوٹس کا پہلا اولمپک شروع ہو گیا، دنیا کے 150 ملکوں کے مستقبل کے معماروں پر مشتمل ٹیموں نے حصہ لیا۔
مقابلے میں حصہ لینے والے 14 سے 18 برس عمر کے نوجوان ہیں، ان کے بنائے ہوئے روبوٹس مقابلوں میں شامل ہیں۔ روبوٹکس اولمپک کا مقصد انہیں عالمی سطح پر متعارف کروانا ہے۔ جج روبوٹ کے کام اور ٹیکنالوجی کے استعمال کو مدنظر رکھتے ہوئے فاتح کو منتخب کرتے ہیں۔ اس اولمپک کی تھیم توانائی کی بچت ہے، یعنی کم سے کم توانائی کا استعمال کرنے والے روبوٹس کے جیتنے کے امکانات زیادہ ہیں۔
