لندن: (روزنامہ دنیا) برطانوی انجینئرز نے سبزیاں اور پھل توڑنے والا روبوٹ تیار کر لیا، اس سے توڑے گئے پھلوں اور سبزیوں کو کوئی نقصان نہیں پہنچتا۔
میڈیا رپورٹ کے مطابق کیمبرج یونیورسٹی کے انجینئرز کا کہنا ہے کہ اس روبوٹ کی تیاری سے برطانیہ میں پھل اور سبزیاں توڑنے والے مزدوروں کی قلت کا مسئلہ حل ہو جائے گا۔ اس روبوٹ کا کامیاب تجربہ کیا گیا ہے، اس سے توڑے گئے پھلوں اور سبزیوں کو کوئی نقصان نہیں پہنچتا۔
اس روبوٹ کو بہت جلد کمرشل بنیادوں پر بھی تیارکیا جائے گا۔ برطانیہ میں 75ہزار کے قریب مزدور پھل اور سبزیاں توڑنے کا کام کرتے ہیں جبکہ مزید ہزاروں مزدور درکار ہیں جن کا کام اب یہ روبوٹ کریگا۔
