لاہور: (ویب ڈیسک) دنیا بھر میں فیس بک کی زیر ملکیت واٹس ایپ تیزی کے ساتھ صارفین کے دل میں جگہ بنا رہی ہے، وہی پر سوشل میڈیا کی ویب سائٹس متعدد نئے فیچر متعارف کراتی رہتی ہے۔ انہی فیچر میں ایک اور اضافہ ہوا ہے جہاں پیغام رسانی کی سب سے بڑی موبائل ایپلیکیشن نے آئی او ایس ورژن استعمال کرنے والے صارفین کے لیے کال ویٹنگ فیچر متعارف کرادیا۔
غیر ملکی خبر رساں ادارے کے مطابق ٹیکنالوجی پر نظر رکھنے والی ویب سائٹ کے مطابق آئی او ایس استعمال کرنے والے صارفین آئی فون ایپ سٹور سے ایپلیکیشن کو اپ ڈیٹ کرکے واٹس ایپ کی نئی سہولتوں سے مستفید ہوسکتے ہیں۔
یہ بھی پڑھیں: واٹس ایپ کا صارفین پر فیس نافذ کرنے کا اعلان
واٹس ایپ نے متعارف کرائے جانے والے حالیہ فیچر میں چیٹ سکرین کے ڈیزائن کو تبدیل کیا گیا جبکہ اسکین میسج کے ساتھ آواز کے ذریعے بھی پیغام بھیجنے کی سہولت پیش کردی۔
آئی او ایس ورژن استعمال کرنے والے صارفین کو اب ٹائپنگ کی ضرورت نہیں بلکہ وہ جو لکھنا چاہیے گے اُن الفاظ کو ادا کریں گے تو وہ خودہی میسج کی صورت سینڈ ہوجائے گا۔
یہ بھی پڑھیں: پیغامات کی رازداری، واٹس ایپ کا فنگر پرنٹ لاک متعارف
علاوہ ازیں کمپنی کی جانب سے واٹس ایپ کال ویٹنگ فیچر بھی متعارف کرایا گیا یعنی اب کال پر بات کرنے کے دوران اگر صارف کو کوئی کال کرے گا تو وہاں نمبر مصروف ہونے کے بجائے ویٹنگ بالکل اُسی طرح آجائے گا جیسے موبائل کمپنیاں سروس فراہم کرتی ہیں۔
یاد رہے کہ واٹس ایپ کے دنیا بھر میں صارفین کی تعداد ایک ارب سے تجاوز کرچکی ہے، کمپنی کی جانب سے صارفین کی دلچسپی اور خواہشات کو مدنظر رکھتے ہوئے آئے روز نت نئے فیچرز متعارف کرائے جاتے ہیں۔
