نیو یارک: (ویب ڈیسک) دنیا بھر میں سوشل میڈیا کی ویب سائٹس تیزی سے عوام کو اپنا گرویدہ بنانے کے لیے تگ و دو کرتی رہتی ہیں، نت نئے فیچرز متعارف کراتی ہیں، جس کے باعث فیس بک اور وٹس ایپ اپنی کامیاب کے پنجھے گاڑھ رہی ہے، اسی حوالے سے ایک اور خبر آئی ہے، خبر کے مطابق ٹوئٹر نے ڈائریکٹ میسج میں ایموجیز ری ایکشن کو شامل کرلیا۔
غیر ملکی خبر رساں ادارے کے مطابق مقبول ترین سوشل میڈیا پلیٹ فارم فیس بک کے نقش و قدم پر چلتے ہوئے مائیکرو بلاگنگ سائٹ ٹوئٹر نے ڈائریکٹ میسج میں ایموجیز ری ایکشن کو شامل کر لیا۔
Twitter is testing DM Reactions pic.twitter.com/Ihp7hsnaOH
— Jane Manchun Wong (@wongmjane) October 16, 2019
ٹوئٹر کے آفیشل پیج کی جانب سے اعلان کیا گیا ہے کہ ایپ کا یہ نیا فیچر دنیا بھر میں صارفین کے لیے پیش کردیا گیا ہے۔ فیچر کو استعمال کرنے کے لیے یا تو آپ اسکرین پر موجود دل اور پلس آئیکن کو ٹیپ کرسکتے ہیں جو موصول ہونے والے ہر پیغام کے دائیں طرف ہوگا یا آپ ایموجی ری ایکشن کے آپشن تک رسائی حاصل کرنے کے لیے میسج پر ڈبل ٹیپ کرکے بھی اسے حاصل کر سکتے ہیں۔
اگر کسی صارف کے پاس ڈائریکٹ میسج میں ایموجی ری ایکشن کا آپشن نہیں آرہا تو وہ ایپ کا اپ ڈیٹڈ ورژن ڈاؤن لوڈ کرکے اس نئے فیچر کو استعمال کر سکیں گے۔
ٹوئٹر میں شامل کیے جانے والے اس فیچر میں 7 ایموجی ری ایکشن رکھے گئے ہیں جن میں ہنسنے والا ایموجی، اداس ایموجی، دل، آگ اور انگھوٹے والا ایموجی شامل ہے۔
یہ نیا فیچر موبائل ایپ اور ٹوئٹر ویب دونوں ہی پر دستیاب ہے تاہم نئے فیچر سے لطف اندوز ہونے کے لیے صارفین اپنی ایپ کو اپڈیٹ کرلیں۔
واضح رہے کہ فیس بک ایپ پر کمنٹس اور میسجز کے لیے ایموجی ری ایکشن کا فیچر موجود ہے۔
Say more with new emoji reactions for Direct Messages!
— Twitter Support (@TwitterSupport) January 22, 2020
To add a reaction, click the icon that appears when you hover over the message on web or double tap the message on mobile and select an emoji from the pop-up.
For more about DM reactions: https://t.co/sdMumGDBYl https://t.co/QxMVmGt8eY
