نیو یارک: (ویب ڈیسک) سوشل میڈیا کی سب سے مشہور ویب سائٹ فیس بک نے اپنے صارفین کے لیے ایک بڑا فیصلہ کرتے ہوئے ایک مرتبہ پھر اپنے اہم ترین حصے یعنی نیوزفیڈ کو بدلنے کا فیصلہ کرلیا ہے۔
پہلے دنیا کی مقبول ترین سماجی رابطے کی ویب سائٹ میں ترتیب وار (تازہ ترین) مواد کو الگورتھم رینکنگ سے بدلا گیا اور اب بھی تازہ ترین یا موسٹ ریسنٹ آپشن کو بائیں جانب بار میں تلاش کرسکتے ہیں۔
مگر اب اس کمپنی نے نیوز فیڈ میں ٹیبز کے اضافے پر غور شروع کردیا ہے تاکہ صارفین کے لیے مواد دیکھنا آسان ہوسکے۔
Facebook is working on tabbed newsfeed for easier access to “Most Recent” and “Already Seen” feeds pic.twitter.com/8Z9KLG9nc8
— Jane Manchun Wong (@wongmjane) February 18, 2020
فیس بک سمیت متعدد ایپس کی اپ ڈیٹس پر نظر رکھنے والی ٹوئٹر صارف اور ڈویلپر جین مینچون وونگ نے ایک ٹوئٹ میں یہ بات بتائی۔
انہوں نے فیس بک کی اینڈرائیڈ میں کوڈ تلاش کیا جس سے عندیہ ملتا ہے کہ اس سوشل میڈیا ایپ نے نیوزفیڈ کو 3 ٹیبز میں تقسیم کرنے پر غور شروع کردیا ہے جو ریلیونٹ، ریسنٹ اور سین کے نام سے ہوں گے۔
فیس بک نے بھی تصدیق کی ہے کہ وہ اس فیچر کی آزمائش کررہی ہے اور ابھی صارفین میں اسے آزمانے پر غور کررہی ہے۔
ویسے ہوسکتا ہے کہ آپ کو علم نہ ہو مگر دیکھی جانے والی پوسٹس کو دیکھنے کی ٹرک بھی موجود ہے مگر یہ ویب سائٹ پر ہی کام کرتی ہے جس کے لیے یو آر ایل facebook.com/seen پر وزٹ کرنا ہوتا ہے۔
ویسے یہ نئی تبدیلی کافی کارآمد نظر آتی ہے کیونکہ اس سے وہ مواد تلاش کرنا آسان ہوجائے گا جو آپ دیکھنا چاہتے ہیں جبکہ نیوزفیڈ کو آرگنائز کرنے کے لیے صارف کو زیادہ اختیار مل سکے گا۔
ایسا بھی ممکن ہے کہ کمپنی کی جانب سے اس میں مزید ٹیبز کا اضافہ کردیا جائے، مگر ابھی یہ واضح نہیں کہ یہ فیچر کب تک عام صارفین کو دستیاب ہوسکے گا۔
