اسلام آباد: (ویب ڈیسک) وفاقی وزیر سائنس وٹیکنالوجی فواد چودھری نے پاکستان میں تیار کردہ ڈرونز کی تعریف کرتے ہوئے کہا ہے کہ یہ زراعت کے شعبے میں نیا انقلاب ثابت ہونگے۔
سماجی رابطے کی ویب سائٹ ٹویٹر پر جاری اپنے بیان میں فواد چودھری نے بتایا کہ یہ دونوں زرعی ڈرونز پاکستان میں تیار کئے گئے ہیں جو 18 منٹ تک فصلوں پر سپرے کرنے کی صلاحیت رکھتے ہیں۔
فواد چودھری نے لکھا کہ پہلے پورا کھیت سپرے کیا جاتا ہے لیکن اب سنسرز بتاتے ہیں کہ فصل کے کس حصے کو بیماری ہے اور صرف اس حصے پر سپرے ہوتی ہے۔ کھیت کی مکمل مانیٹرنگ کی صلاحیت سے لیس یہ ڈرونز زراعت میں نیا انقلاب ثابت ہوں گے۔
پاکستان کی ڈرون ٹیکنالوجی دنیا کی جدید ترین ٹیکنالوجی ہے، زرعی ڈرون کی تیاری اہم سنگ میل ہو گا اس کیلئے ابتدائ تیاری شروع کر دی ہے https://t.co/Jw8mvucIUC
— Ch Fawad Hussain (@fawadchaudhry) July 7, 2020
یہ بھی پڑھیں: ٹڈی دل کے خاتمے کیلئے پاکستانی سائنسدانوں کا کارنامہ، فصلوں پر سپرے کیلئے ڈرون تیار
خیال رہے کہ ان خاص ڈرونز کو وفاقی وزیر برائے سائنس وٹیکنالوجی فواد چودھری کی ہدایت پر نیشنل ریڈیو ٹیلی کمیونی کیشن کارپوریشن نے تیار کیا ہے۔
یہ ڈرون فصلوں کو ٹڈی دل کے حملوں سے بچانے میں معاون ہوگا۔ اس میں فصلوں پر زہریلی دوا سپرے کرنے کی سہولت ضرور موجود ہے۔ اب کسان کسی بھی جگہ پر باآسانی سپرے کر سکیں گے اور یہ کام دنوں یا گھنٹوں کی بجائے منٹوں میں پایا تکمیل کو پہنچ جائے گا۔
MoU signed between @MinistryofST and ABN SATUMA (Private) Ltd for development of UAVs/drones for agriculture application. The drones will specifically be used for countering locust attacks. Federal Minister @fawadchaudhry represented the Min. Of S&T at the signing ceremony. pic.twitter.com/nbrAzAzjXh
— Ministry of Science & Technology (@MinistryofST) July 13, 2020
این آر ٹی سی حکام نے مطابق وفاقی وزیر سائنس وٹیکنالوجی نے خاص ہدایت جاری کی تھی کہ یہ ڈرون کم قیمت ہونا چاہیے تاکہ عام کسان اس سے استفادہ حاصل کر سکے۔ اس لیے اس ڈرون کی قیمت مارکیٹ میں دستیاب ڈرونز کی نسبت ایک تہائی ہے۔
