کیلیفورنیا:(روزنامہ دنیا) ایک دلچسپ ایجاد جو ایک مجازی سکرین والی عینک ہے جسے پہن کر آپ کی آنکھوں کے سامنے ایک 140 انچ طویل سکرین روشن ہوجاتی ہے۔
میڈیا رپورٹ کے مطابق اس کا نام ٹی سی ایل نیکسٹ ویئر جی سپیکس ہے جسے کسی بھی سمارٹ فون، ٹیبلٹ اور لیپ ٹاپ سے جوڑا جاسکتا ہے ۔ اس کے بعد عینک سمارٹ فون کا بیرونی سکرین بن جاتی ہے جو کئی فٹ طویل ہوسکتا ہے ۔ یعنی عینک پہن کر آپ اپنی آنکھوں کے سامنے سینما سکرین کا لطف اٹھاسکتے ہیں۔
دلچسپ بات یہ ہے کہ اس عینک میں ویڈیو پروسیسنگ کا کوئی نظام نہیں بلکہ عینک بہت ہلکی پھلکی ہے ۔ گویا یہ عینک آپ کو ایک بڑا اشتہاری بورڈ دکھاتی ہے ۔اس کا ایسپیکٹ ریشیو 16:9 ہے اور ریفریش ریٹ 60 ہرٹز ہے جس سے ویڈیوز حقیقی انداز میں دکھائی دیتے ہیں۔ بس آپ کو یوایس بی سے عینک کو جوڑنا ہوگا اور عینک روشن ہوجائے گی۔
.jpg)
