سان فرانسسکو: (ویب ڈیسک) سماجی رابطے کی ویب سائٹ ٹوئٹر کے مالک ایلون مسک کو صارفین نے ٹوئٹر کی سربراہی چھوڑنے کا مشورہ دے دیا۔
غیر ملکی خبر رساں ایجنسی کے مطابق سماجی رابطے کی ویب سائٹ ٹوئٹر کے نئے مالک ایلون نے پول میں اپنے صارفین سے رائے مانگی تھی، برطانوی میڈیا کے مطابق 57.5 فیصد صارفین نے ایلون مسک کی ٹوئٹر سربراہی کے خلاف ووٹ دیا، 12 کروڑ سے زائد افراد ٹوئٹر پولنگ میں حصہ لینے کے اہل تھے۔
Should I step down as head of Twitter? I will abide by the results of this poll.
— Elon Musk (@elonmusk) December 18, 2022
خیال رہے کہ ایلون مسک گزشتہ روز جہاں فیفا ورلڈ کپ 2022 انجوائے کیا وہیں ساتھ ایک پوسٹ میں لوگوں سے سوال بھی کر دیا کہ کیا میں ٹوئٹر کے سربراہ کا عہدہ چھوڑ دوں ؟
مسک نے صارفین سے رائے مانگتے ہوئے یہ لکھا تھا کہ صارفین جو بھی فیصلہ کریں گے وہ قبول ہو گا، صارفین کی جانب سے رائے دینے کے بعد ایلون مسک کیا فیصلہ کریں گے اس کا صارفین کو شدت سے انتظار ہے۔
