کیلی فورنیا : ( ویب ڈیسک ) سپیس ایکس کے چیف ایگزیکٹو آفیسر ( سی ای او ) اور سماجی رابطے کے پلیٹ فارم ٹوئٹر کے مالک ایلون مسک نے ٹوئٹر پر ٹویٹ کے لیے حروف کی تعداد کو بہت جلد 280 سے بڑھا کر 10 ہزار کرنے کا اعلان کر دیا۔
رپورٹس کے مطابق ٹوئٹر پر پرائم ایگن نامی اکاؤنٹ کی جانب سے ایلون مسک سے سوال کیا گیا کہ ڈیویلپر کمیونٹی اور میں پوچھنا چاہا رہے تھے کہ کیا آپ ٹویٹ میں کوڈ بلاکس کرنے کی سہولت کو شامل کر سکتے ہیں؟۔
dear @elonmusk
— ThePrimeagen (@ThePrimeagen) March 5, 2023
the dev community and i were wondering if you could add code blocks to tweets?
kthxbai
سوال کے جواب میں مسک نے کہا کہ ہم تفصیلی ٹویٹس کو 10 ہزار حروف تک بہت جلد بڑھا رہے ہیں۔
As an attachment? How many chars? We are extending longform tweets to 10k soon.
— Elon Musk (@elonmusk) March 5, 2023
خیال رہے کہ مسک نے یہ اعلان امریکا میں ٹوئٹر بلیو کے صارفین کو 4 ہزار حروف تک رسائی دینے کے ایک ماہ بعد کیا ہے، گزشتہ ماہ ٹوئٹر کی تاریخ میں حروف کی تعداد کو دوسری مرتبہ تبدیل کیا گیا تھا۔
واضح رہے کہ اس سے قبل 2017 میں ٹوئٹر کی جانب سے حروف کی تعداد کو 140 سے بڑھا کر 280 کیا گیا تھا۔
