کیلیفورنیا: (ویب ڈیسک)مقبول فوٹو شیئرنگ ایپ انسٹاگرام میں صارفین کے لیے دیگر افراد کی جانب سے پوسٹ کی جانے والی مختصر ویڈیوز یا ریلز کو ڈاؤن لوڈ کرنے کا فیچر متعارف کرا دیا گیا ہے۔
انسٹاگرام کے سربراہ ایڈم موسیری نے بتایا کہ ابتدائی طور پر امریکا سے تعلق رکھنے والے صارفین ریلز کو ڈاؤن لوڈ کر سکیں گے، اس کے لیے صارفین کو شیئر آئیکون پر کلک کرکے ڈاؤن لوڈ آپشن کا انتخاب کرنا ہوگا۔
انہوں نے بتایا کہ صرف پبلک اکاؤنٹس کی ریلز کو ڈاؤن لوڈ کرنا ممکن ہوگا جبکہ پبلک اکاؤنٹس کے پاس ڈاؤن لوڈ آپشن کو ٹرن آف کرنے کا اختیار موجود ہوگا۔
خیال رہے کہ انسٹاگرام پر ریلز ویڈیو کو دیکھنے کے باعث رواں سال کی پہلی سہ ماہی کے دوران اس ایپ پر صارفین کے وقت گزارنے کی شرح میں 24 فیصد اضافہ ہوا۔
