کیلی فورنیا : ( ویب ڈیسک ) سماجی رابطے کی ویب سائٹ ٹوئٹر میں خاموشی سے ایک اہم اور بڑی تبدیلی کر دی گئی ۔
رپورٹس کے مطابق ٹوئٹر صارفین کو ٹویٹس دیکھنے کے لیے سوشل میڈیا پلیٹ فارم پر اپنا اکاؤنٹ لازمی بنانا ہوگا، پلیٹ فارم کے مالک ایلون مسک نے اس اقدام کو ’ عارضی ہنگامی اقدام ‘ قرار دیا ہے۔
پلیٹ فارم پر مواد دیکھنے کی کوشش کرنے والے صارفین سے کہا جائے گا کہ وہ پسندیدہ ٹویٹس کو دیکھنے کے لیے کسی اکاؤنٹ سے سائن اپ کریں یا لاگ آؤٹ ہونے والے اکاؤنٹ کو دوبارہ لاگ ان کریں۔
مسک کا کہنا تھا کہ ڈیٹا کو اس قدر چوری کیا جا رہا تھا کہ یہ عام صارفین کے لیے رسوا کن سروس تھی۔
NEWS: Twitter s web version no longer allows users to browse without logging in. All urls redirect to the signup page.
— T(w)itter Daily News (@TitterDaily) June 30, 2023
This is believed to be a measure to make it harder for scrapers to take Twitter s data, like ChatGPT s web browsing plugin has been doing. pic.twitter.com/DbfuAWwS4p
کمپنی نے مسک کی ملکیت میں پلیٹ فارم چھوڑنے والے مشتہرین کو واپس لانے اور تصدیقی چیک مارکس کو ٹویٹر بلیو پروگرام کا حصہ بنا کر سبسکرپشن ریونیو بڑھانے کے لیے متعدد اقدامات شروع کیے ہیں۔
اس مہینے کے شروع میں ٹوئٹر نے ڈیجیٹل اشتہارات سے ہٹ کر سوشل میڈیا کمپنی کے کاروبار کو زندہ کرنے کے لیے ویڈیو، تخلیق کار اور تجارتی شراکت داری پر توجہ مرکوز کرنے کے منصوبوں کا اعلان کیا تھا۔
ٹوئٹر نے صارفین سے اپنے ایپلی کیشن پروگرامنگ انٹرفیس (اے پی آئی ) تک رسائی کے لیے چارج کرنا بھی شروع کر دیا ہے جسے تھرڈ پارٹی ایپس اور محققین استعمال کرتے ہیں۔
