لاہور: (روزنامہ دنیا) خواتین کو جنسی ہراسگی اور زیادتی کے واقعات سے بچانے کیلئے ’’ پرسنل سکیورٹی جیولری‘‘ متعارف کرادی گئی ہے جسے پہن کر خواتین اپنے اہل خانہ سے ہروقت رابطے میں رہیں گی۔
بین الاقوامی خبر رساں ادارے کے مطابق امریکہ میں خواتین کو جنسی ہراسگی اور زیادتی کے واقعات سے محفوظ رکھنے کیلئے ایسی جیولری مارکیٹ میں آ گئی ہے ، جسے پہن کر خواتین اپنے اہل خانہ سے رابطے میں رہ سکتی ہیں اور کسی بھی قسم کی ایمرجنسی کی صورت میں اہل خانہ خبردار ہو جائیں گے اور خاتون کے محل وقوع کا بھی تعین کیا جا سکے گا۔
اس جیولری کو حفاظتی آلات بنانیوالے امریکی ادارے ’’ریوالور‘‘نے تیار کیا ہے۔ چین اور لاکٹ پر مشتمل اس جیولری کو سمارٹ فون سے منسلک کیا جا سکتا ہے اور جیسے ہی کوئی حملہ آور یا اوباش شخص خاتون کو تنگ کرتا ہے تو یہ ڈیوائس سمارٹ فون ایپس کے ذریعے اہل خانہ کو مطلع کر دیتی ہے اس کی مدد سے خاتون کی لوکیشن بھی معلوم کی جاسکتی ہے جس سے خاتون کو فوری مدد دی جا سکے گی۔ واضح رہے کہ اس قسم کی سکیورٹی ڈیوائس کی چین اور کنگن کی صورت میں مارکیٹ میں پہلے ہی سے دستیاب ہے۔
