ہانگ کانگ: (روزنامہ دنیا) ہانگ کانگ میں 88 قیراط کا نایاب ہیرا ڈیڑھ ارب روپے سے زائد میں نیلام ہو گیا۔ اس دیدہ زیب ہیرے کی بولی صرف 11 منٹ جاری رہی، اتنی جلدی نیلامی پر منتظمین بھی حیران رہ گئے۔
ہانگ کانگ کے سوتھبے آکشن ہاؤس میں یہ شفاف ترین نایاب ہیرا نیلامی کیلئے پیش کیا گیا تو وہاں موجود ہیروں کے شوقین کئی افراد نے اس کو خریدنے کیلئے بولی لگائی۔
صرف 10 منٹ تک جاری رہنے والے نیلامی کا یہ عمل اس وقت ختم ہو گیا جب جاپان سے تعلق رکھنے والے ایک ارب پتی شخص نے اس کی 11 ملین امریکی ڈالر کی بولی لگا کر اپنی بیٹی کیلئے خرید لیا۔ منتظمین کا کہنا تھا کہ انہیں بھی اندازہ نہیں تھاکہ اتنی جلدی اتنی بولی لگ جائیگی۔
