کراچی: (دنیا نیوز) تین منٹ میں انیس سو بیس مکے، لاٹھی مارنے سمیت گھمانے کے مزید چھ ریکارڈ، کراچی کے سپوت راشد نسیم نے بھارتی ایتھلیٹس کے اعزاز چھین لیے، اپنے کارنامے بھی گینیز بُک آف ورلڈ ریکارڈ کو بھجوا دیئے۔
پاکستانی سپوت، مارشل آرٹس ماسٹر محمد راشد نسیم نے نئے چھ ریکارڈ کا مظاہرہ کرتے ہوئے 4 بھارتی اور 1 امریکی سمیت 6 ریکارڈز بریک کئے۔ راشد نے 3 منٹ میں 1920 مکے برسا کر بھارتی ماسٹر پربھاکر ریڈی کا اعزاز اپنے نام کیا۔
ایک کلو وزن اٹھا کے 1540 مکے مارنے کا بھی ریکارڈ بنا ڈالا، لاٹھی مارنے اور گھمانے کی مہارت سے بھی بھارتی ریکارڈ ہولڈرز کو نشانہ بنایا،
چوتھا ریکارڈ بھارتی سجیت کمار کا 156 ککس کا تھا جسے راشد اور اسمر نےایک منٹ میں 175 ککس مار کر اعزاز اپنے نام کیا۔
پانچویں ریکارڈ میں سر سےایک منٹ میں 125 پینسل توڑ کر امریکا کے اشریتا فرمان کو اعزاز سے محروم کر دیا، مارشل آرٹس ماسٹر نے رکارڈز کی ویڈیو گنیز بک انتظامیہ کو بھجوا دیں۔
