واشنگٹن: (روزنامہ دنیا) براہِ راست نشریات کے دوران بعض اوقات ایسے دلچسپ واقعات پیش آتے ہیں کہ خبر دینے والے خود خبر کا حصہ بن جاتے ہیں، کچھ ایسا ہی امریکی نشریاتی ادارے کی خاتون صحافی کے ساتھ پیش آیا۔
میڈیا رپورٹ کے مطابق خاتون صحافی فلوریڈا سے سٹوڈیو میں بیٹھے اینکرز کے پینل کو ایک خبر کے حوالے سے رپورٹ کر رہی تھی کہ اس دوران ایک شرارتی چھپکلی خاتون کے اوپر چڑھ گئی جس پر خاتون صحافی کی چیخیں نکل گئیں۔
چھپکلی سے خوفزدہ ہوتی اپنی ساتھی رپورٹر کو دیکھ کر سٹوڈیو میں بیٹھے اینکرز خوب محظوظ ہوئے اور بے اختیار ہنس پڑے۔
